Almaty: «Altyn orda» bazarynda 100 teńge úshin tóbeles boldy
Eki azamat arasyndaǵy janjal avtoturaq aqysyna qatysty shyqqan. Qaltasynda 100 teńgeniń joqtyǵyn aıtqan kólik júrgizýshisi 20 myń teńge bere alatynyn bolmasa tólemdi bank kartasyna aqsha aýdarý arqyly jasaı alatynyn jetkizedi.
Biraq avtoturaq qyzmetkeri aýdarymdy qabyldaı almaıtynyn aıtyp, kólik ıesiniń avtoturaqtan shyǵýyn ótinedi. Osy sátte turaq qyzmetkeriniń sóıleý máneri unamaǵan júrgizýshi kólikten túsedi. Ary qaraı sózge kelispeı qalǵan azamattar arasynda janjal týyndaıdy. Jazbaǵa kólik qojaıynyna qyzmetkerdiń pyshaq ala júgirgen sáti men júrgizýshiniń avtoturaqta jumys isteıtin azamatty jaǵasynan alyp, basymen urǵan kezi túsip qalǵan. Artynsha bazarǵa kelgen adam kóligine otyryp, oqıǵa ornynan ketýge árekettenedi. Osy sátte bazardaǵylar kóliktiń ketýine kedergi jasaýǵa tyrysady. Іstiń nasyrǵa shapqany sonsha, qazir osy kıkiljińge qatysty qylmystyq is qozǵaldy.
«Atalǵan derek áleýmettik jelilerge monıtorıng júrgizý barysynda anyqtaldy. Oqıǵa ornyna Qarasaı aýdandyq PB jedel-tergeý toby shyqty. Derek sotqa deıingi tergeýdiń biryńǵaı tizilimine tirkelip, QR QK 293-baby 2-bóliginiń 1-tarmaǵy «Buzaqylyq» boıynsha qylmystyq is qozǵaldy.
Qazirgi ýaqytta beınejazbanyń barlyq qatysýshylary anyqtaldy. Qylmystyq is boıynsha tergeý barysynda eki taraptan da jaýap alynatyn bolady. Sotqa deıingi tergep-tekserý barysynda oqys oqıǵanyń barlyq faktileri, sebepteri men mán-jaılary anyqtalady. Tergeý nátıjeleri boıynsha protsessýaldyq sheshim qabyldanatyn bolady»,- dep málimdedi Almaty oblystyq Polıtsııa departamenti baspasóz qyzmetinen.