Almaty álemdik bokstyń ortalyǵyna aınalady - ıÝ.Tshaı
ALMATY. QazAqparat - Qazaqstanda álemde teńdesi joq «Búkilálemdik boks akademııasynyń» alǵashqy oqý-sporttyq kesheni salyndy. 2011 jylǵy aqpanda Admatyda Búkilálemdik boks qaýymdastyǵy (AІVA) men qazaqsandyq boks federatsııasynyń arasynda osy keshendi salý jóninde kelisimge qol qoıylǵan bolatyn. Bul týraly Almaty qalasynyń mańynda ótken baspasóz týrynda QR boks federatsııasynyń vıtse-prezıdenti ıÝrıı Tshaı aıtty.
«Búkilálemdik boks akademııasy - halyqaralyq standarttar boıynsha salynǵan biregeı ǵımarat. Munda jattyǵýlar men sport jarystaryn ótkizetin zaldar, sport basseıni, kásibı fýtbol alańy, tennıs korty, basketbol jáne voleıbol alańdary, trenajer zaly, sondaı-aq 160 adamǵa arnalǵan qonaq úı, konferents-zaldar, dámhana jáne ashana bar. Medıtsınalyq ortalyq salý josparlanýda». - dedi ıÝ.Tshaı.
Onyń aıtýynsha, bıylǵy jyly kúzde akademııa álemniń ártúrli elderinen qonaqtardy belsendi qabyldaı bastaıdy, sonda ol sportshylar úshin ǵana emes, jattyqtyrýshylar, tóreshiler, dárigerler men menedjerler úshin de damý ortalyǵyna aınalady.
«Bizde barlyq jaǵdaı bar, endi bizdiń jeńe bilýimiz qajet. Bul shyn mánisinde, eń úzdik keshen! Tipti meniń Londonǵa sońǵy urystarǵa barǵan kezimde, bir jerde osyndaı qolaıly jaǵlaı jasalǵan jerdi kórgen joqpyn. Sonymen birge tamasha taza aýa da boıǵa sergektik beredi, óıtkeni keshen Almaty mańyndaǵy Іle Alataýynyń bókterine ornalasqan», - dep óz áserlerimen bólisti bokstan Olımpıada chempıony Serik Sápıev.
Onyń aıtýynsha, 2016 jyly Qazaqstan áıelder boksy boıynsha álem chemıonatyn ótkizedi. Al búginde munda qyzdar arasyndaǵy bokstan Reseı, Qyrǵyzstan, Mońǵolııa jáne Qazaqstan sportshylarynyń halyqaralyq kezdesýi ótýde.
