Almaty álemdegi saparlaýǵa laıyqty on qalanyń qataryna kirdi
K apital.kz portalynyń habarlaýynsha, ońtústik astana atalǵan tizimde 7-shi orynda tur. Almaty astana mártebesinen aıyrylǵanyna qaramastan Qazaqstannyń eń tartymdy qalalarynyń biri sanalady. Reıtıng túzýshilerdiń paıymynsha, týrısterdi megapolıstiń ornalasqan orny, ıaǵnı tarıhı Jibek joly men ádemi taýy ózine tarta túsedi. Sondaı-aq atalǵan reıtıng túzýshiler Almatyǵa saparlaǵannan keıin Borat fılmindegi eldiń Qazaqstanǵa múldem qatysy joq ekendigine kóziń anyq jetetindigin basa atap ótken.
Sonymen 2014 jyly mindetti saparlaý qajet qalalardyń tizimi mynadaı:
1. Rıo-de-Janeıro, Brazılııa
2. Saraevo, Bosnııa men Gertsegovına
3. Lıverpýl, Anglııa
4. Ýmeo, Shvetsııa
5. Lvov, Ýkraına
6. Marsel, Frantsııa
7. Almaty, Qazaqstan
8. Rotterdam, Nıderlandy
9. Glazgo, Shotlandııa
10. Portlend, AQSh
Al Almaty bıligi muny «Kókjaılaý» taý shańǵysy kýrorty arqyly týrızmdi damytýǵa baǵyttalǵan sharalardyń qolǵa alynýymen baılanystyrady. Este bolsa, taıaýda ǵana Elbasy Nursultan Nazarbaevqa barlyq maýsymǵa arnalǵan «Kókjaılaý» taý shańǵysy kýrortyn damytý tujyrymdamasy tanystyrylǵan edi. Memleket basshysy Almaty oblysy jáne jalpy respýblıka úshin týrızm ındýstrııasynyń mańyzdylyǵyn atap ótken bolatyn. «Almatyda jáne oblysta týrızmdi damytý 100 myńǵa jýyq qosymsha jumys ornymen qamtamasyz etýge múmkindik beredi. Qalanyń qarqyndy damýy taýlarymyzdy utymdy paıdalanýǵa baılanysty bolmaq. Eýropanyń kóptegen elinde adamdar kishkentaıynan sporttyń qysqy túrimen aınalysady. Taý shańǵysy kýrortyna baratyn týrıst jyly jáne teńizi bar elderge baratyn týrısterge qaraǵanda 6 ese kóp kiris ákeledi», - degen edi Qazaqstan Prezıdenti.
