Almaty álemdegi qymbat emes qalalar tizimine kirdi

ASTANA. QazAqparat - Brıtandyq The Economist - Economist Intelligence Unit (EIU) jýrnalynyń saraptamalyq bólimshesi  álemde 2018 jyly ómir súrýge jumsalatyn shyǵyn kólemin eseptegen.

Atap aıtqanda, dúnıejúziniń 133 elindegi 160 taýar túriniń baǵalary salystyrylǵan.

Bulardyń ishinde tamaq, sýsyndar, janarmaı, kıim, sharýashylyq taýarlary, páterdi jalǵa alý aqysy, taǵysyn taǵylar bar.

Sonymen álemniń eń qymbat qalalary bestigine: Sıngapýr, Parıj, Tsıýrıh, Gonkong jáne Oslo kirip otyr.

Qymbat emesteri arasynda - Damask (Sırııa), Karakas (Venesýela), Almaty (Qazaqstan), Lagos (Nıgerııa), al eń sońǵy 133 orynda - úndilik Bangalor.

Sondaı-aq, Chennaı (Úndistan), Karachı (Pákistan), Nıý-Delı (Úndistan), Aljır men Býharest (Rýmynııa) - arzan qalalar qatarynda.