Almaty álemdegi eń ınnovatsııalyq qalalar reıtınginde 15-orynǵa kóterildi
ALMATY. QazAqparat - Álemdegi eń ınnovatsııalyq qalalar («Innovation Cities») tiziminde Almaty 2016-2017 jyldary naryqtyń damýy salasy boıynsha «Emergina Markets» atalymy boıynsha reıtıngte 15-orynnan kórindi, dep habarlaıdy QazAqparat tilshisi.
Bul reıtıngte Almaty Kıev (18-oryn), Bakýdy (20), Tbılısı (21), Bishkek (30) jáne Astana (35) qalalaryn basyp ozdy.
«Bul - úlken jetistik. Atalǵan reıtıngke Almaty 2015 jyly 35-orynda bolǵan. Eger postkeńestik elder kiretin Eýrazııa aımaǵyn bólip salystyratyn bolsaq, onda Almaty 2-shi orynda», - dep jazdy «Almatyny damytý ortalyǵy» basqarma basshysy Áset Ábdýalıev Facebook áleýmettik jelisindegi jeke paraqshasynda.
Aıta keteıik, Emergin Markets reıtingi boıynsha, Dýbaı, Ábý-Dabı, Keıptaýn qalalary eń ınnovatsııalyq qala atandy.
