Almaty: Alataý aýdanyna 6 jyl
ALMATY. QazAqparat - Búgin Almatyda Alataý aýdanynyń qurylǵanyna 6 jyl tolýyna baılanysty merekelik shara ótti. Bul týraly qalalyq ákimdiktiń baspasóz qyzmeti habarlady.
Qala basshysy aýdan halqyn ataýly meırammen quttyqtap, eń jas aýdannyń serpindi damý kórsetkishterin atap ótti.
«Memleket basshysy Nursultan Nazarbaevtyń bastamasymen irgesi qalanǵan jas aýdannyń búgingi damý kórsetkishteri kóz qýantarlyq. Az ýaqyt aralyǵynda Alataý aýdany tolyǵymen jumys istep turǵan ákimshilik-aımaqtyq birlikke aınaldy. Búginde ol qarqyndy damyp kele jatqan ınfraqurylymy bar aımaq bolyp otyr», - dedi qala basshysy A.Esimov.
Merekelik shara aıasynda kontserttik baǵdarlama, sporttyq oıyndardan saıys, at jarysy ótkizildi. Oǵan elimizdiń ár aımaǵynan kelgen shabandozdar qatysty. Jeńis tuǵyrynan kóringenderge estelik syılyqtar tabys etildi.
