Almaty: Aqjar shaǵyn aýdanynda sý qubyrlary jeltoqsan aıynda paıdalanýǵa beriledi

ALMATY. QazAqparat - Almatyda Aqjar shaǵyn aýdanynda salynyp jatqan sý jáne káriz qubyrlary bıyl jeltoqsan aıynda paıdalanýǵa beriledi. Bul týraly qalalyq energotıimdilik jáne ınfraqurylymdyq damý basqarmasy málim etti, dep habarlaıdy QazAqparat tilshisi.

Basqarma málimetinshe, turǵyndardy aýyz sýmen qamtamasyz etý maqsatynda ınjenerlik jelilerdiń qurylysy 2020 jyly bastalyp, bıyl kúzde halyq ıgiligine berilýi qajet edi.

Biraq, jumystyń ýaqytynda bitýine tabıǵı faktorlar áser etti. Qazý kezinde jer bederiniń kúrdeli bolýy jáne kólemi 2 metrden asatyn qoıtastardyń jıi kezdesýi sharýanyń aıaqtalýyn alty aıǵa keshiktirip otyr.

«Qurylysshylardyń kúrdeli jaǵdaılarda sý jáne káriz qubyrlaryn salyp jatyr. Sý jáne káriz qubyrlaryn paıdalanýǵa berý osy jyldyń IV toqsanyna josparlanyp otyr. Bul qurylys aıaqtalǵannan keıin segiz myńǵa jýyq turǵyndy úzdiksiz sýmen jáne káriz qubyrlarymen qamtamasyz etýge kepildik beredi», – dedi qalalyq energotıimdilik jáne ınfraqurylymdyq damý basqarmasynyń bólim basshysy Ermek Jumaǵalıev.

Qazir Aqjardaǵy jeti kóshede ınjenerlik jelilerdi salý qyzý júrip jatyr. Qıyndyqqa qaramastan, merdiger uıym alyp tastardy shyǵarý úshin aýyr tehnıkalardy paıdalandy.