Almaty «aqyldy» qalalar reıtıngisinde ekinshi oryn aldy
Onyń aıtýynsha, Almaty TMD men Shyǵys Eýropa aýmaǵyndaǵy qalalardyń kóshbasshy tobyna kiredi. «Almaty - 2050» baǵdarlamasy men «Tsıfrlyq Qazaqstan» baǵdarlamasy basqarýdyń strategııalyq maqsattaryna sáıkes bolý tıis.
«2021 jyldyń qorytyndysy boıynsha biz 2017 jyldan bastap halyqaralyq derekter korporatsııasynyń tsıfrlyq jetilý reıtıngisinde Almaty qalasynyń 2,7 ball pozıtsııasyn alǵanyn kóremiz. Bul biz sońǵy eki jylda qoljetkizgen óte úlken kórsetkish. Bul mańyzdy oqıǵa. Túsinikti bolý úshin, 2019 jyly biz 10-shy oryndy ıelendik, al TMD-nyń aqyldy qalalary arasyndaǵy sońǵy nátıjeler boıynsha biz 2-orynda turmyz. ıAǵnı, biz Kıevten ozyp, Máskeýden keıingi oryndamyz», - dedi Baıan Qońyrbaev.
Tsıfrlyq jetilý – qalanyń óz damýynda tsıfrlyq sheshimderdi engizýge daıyndyǵynyń negizgi kórsetkishi ekenin atap ótken jón.
Spıkerdiń aıtýynsha, tsıfrlyq transformatsııa – bul jahandyq maqsat jáne tsıfrlyq jetilý, onyń negizgi belgileriniń biri retinde, barlyq salalarda barlyq deńgeıde qol jetkizilýi tıis. Bul jaǵdaıda tsıfrlyq transformatsııa protsesin sátti dep ataýǵa bolady.
«Biz qalany tsıfrlandyrýǵa ǵana emes, turǵyndarymyzǵa qolaıly jaǵdaı jasaýǵa, talanttardyń damýyna jaǵdaı jasaýǵa jáne ómirlik belsendiligimizge jańa tehnologııalardy tartýǵa umtyla bastadyq», - dep atap ótti basqarma basshysy.
Baspasóz konferentsııasy barysynda Tsıfrlandyrý basqarmasynyń basshysy ár úkimettik vedomstvo deńgeıinde saraptamalyq keńes qurý týraly aıtty.
«Bul negizgi tórt baǵyt: ınfraqurylymdyq jobalar, qalalyq bastamalar, memlekettik qyzmetterdi baǵalaý, sondaı-aq Almaty qalasynyń ákimi Baqytjan Saǵyntaevtyń bastamasymen qurylǵan AT-keńes», - dep atap ótti ol.
Almatyny tsıfrlandyrýdyń negizgi jetistikterine toqtalǵan spıker megapolıstiń bes jetistigin atady.
«Bul tizimde Biryńǵaı derekter bazasy, Biryńǵaı kommýnıkatsııalyq keńistik, shalǵaı aýdandarda AKT-ny ınfraqurylymdyq damytý, qala aýdandaryn ekonomıkalyq klasterleý jáne Smart City Accelerator bar», - dedi spıker.
Baıan Qońyrbaev biryńǵaı derekter bazasynyń jobasy týraly aıtty.
Onyń kómegimen memlekettik organdar, kommertsııalyq uıymdar men akademııalyq ınstıtýttar depersonaldyrylǵan derektermen almasa alady.
Tsıfrlandyrý basqarmasynyń basshysy biryńǵaı derekter bazasyn ázirlegen kezde ulttyq jáne jergilikti deńgeıde memlekettik organdardyń derektermen almasa alatyn Sıngapýr tájirıbesin qoldanǵandaryn aıtty.
«Biz platformany iske qostyq jáne ol ózin jaqsy kórsetti. «Almaty sý», jylý jelileri men basqa da kommýnaldyq qyzmetter biryńǵaı standart boıynsha málimetter bazasynyń formatyn júrgize bastady. Bul shyn máninde úlken jetistik», - dep atap ótti Baıan Qońyrbaev.
2021 jyldyń sońyna qaraı Tsıfrlandyrý basqarmasy bilim, densaýlyq saqtaý jáne áleýmettik qorǵaýǵa qatysty derekterdi jınaýdy josparlap otyr.
Bul memlekettik organdarǵa jalpy formatta qandaı máseleni basty nazarda ustaýǵa bolatynyn kórsetedi.