Almaty ákiminiń orynbasary jataqhanada turyp jatqan dárigerlerdiń jaǵdaıymen tanysty
Jumys tobynyń quramynda Nur Otan partııasy Almaty qalalyq fılıaly tóraǵasynyń birinshi orynbasary Stansılav Kankýrov, qalalyq qoǵamdyq densaýlyq saqtaý basqarmasy basshysynyń orynbasary Ásel Bısenbaeva men Taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Natalıa Dıagıleva, Sybaılas jemqorlyqqa qarsy is-qımyl agenttigi janyndaǵy arnaıy monıtorıngtik top tóraǵasynyń orynbasary, «Jastarǵa jol» qoǵamdyq qorynyń prezıdenti Rafael Gasanov bar.
Tótenshe jaǵdaı kezinde 3,5 myńǵa jýyq medıtsına qyzmetkeri óz qalaýy boıynsha jergilikti bıýdjettiń qarjylandyrý esebinen 13 qonaq úı kesheni men 11 jataqhanaǵa ornalasqan bolatyn.
Jumys toby 503 medıtsınalyq qyzmetker turyp jatqan 5 qonaq úı kesheni men 2 jataqhanaǵa bardy. Munda Jedel járdem, Balalar juqpaly aýrýlar men qalalyq juqpaly aýrýlar aýrýhanalarynyń, Psıhıkalyq densaýlyq ortalyǵy men №2 perzenthananyń, №5 qalalyq klınıkalyq aýrýhananyń qyzmetkerleri turyp jatyr.
Tekserý barysynda turǵylyqty jerdiń jaǵdaıy, qyzmetkerlerdiń bólmeleri, ondaǵy sanıtarlyq-epıdemıologııalyq qaýipsizdik normalarynyń saqtalýy, ásirese bólmelerdegi dezınfektsııa jumystarynyń der kezinde júrgizilýine erekshe kóńil bólindi. Sondaı-aq jeke qorǵaný men jeke gıgıena quraldarynyń jetkilikti deńgeıde ekendigine kóz jetkizildi.
«Eń bastysy – turmys jaǵdaıy. Dárigerler men medıtsına qyzmetkerleri aldyńǵy shepte, ıaǵnı qaýip-qater aımaǵynda jumys isteıdi. Olarǵa yńǵaıly bolýy úshin turmysta da, jumysta da durys júıe qalyptasty. Barlyq qaýipsizdik sharalaryn saqtaý mańyzdy», – dedi E. Babaqumarov.
Qala basshysynyń orynbasary Erjan Babaqumarov medqyzmetkerlerdi sapaly azyq-túlikpen qamtamasyz etý máselesine de toqtaldy. Azyq-túliktiń jetkizilýi men onyń sapasyn eriktilerdiń qalalyq shtaby baqylaıdy.
Medıtsına qyzmetkerlerin jumys ornyna deıin jetkizip, qaıta úıine aparý máselesi de pysyqtaldy.
Sheneýnik qonaq úıler men jataqhanalarda ýaqytsha turyp jatqan medqyzmetkerlermen tildesti. Tamaqtaný, jumysqa tasymaldaý boıynsha kórsetiletin qyzmetterdiń sapasy, sonymen qatar jumys oryndaryndaǵy eńbek jaǵdaılary da talqylandy.
«Qazir elimiz qıyn-qystaý kezeńdi bastan keshirýde. Biz, medıtsına qyzmetkerleri, qolymyzdan kelgenshe aıanbaı jumys isteýdemiz. Almaty ákimdigine berilgen múmkindikter úshin alǵys bildiremiz. Qajet zattardyń barlyǵy bar, bólmeler taza, tamaqtary da jaqsy. Qazirgi ýaqytta dáriger retinde zor jaýapkershilikti sezinemiz. Birlese bul dertti jeńetinimizge senemin», - dedi balalar juqpaly aýrýlar aýrýhanasynyń rentgenolog-laboranty S. Erkinbekov.
Tekserý jumystary kezinde Taýarlar men qyzmetterdiń sapasy men qaýipsizdigin baqylaý departamentiniń ókili barlyq sanıtarlyq-epıdemıologııalyq normalardyń saqtalǵanyn atap ótti.
