Almaty ákiminiń orynbasary koronavırýsty jeńýdiń 4 jolyn atady
ALMATY. QazAqparat - Almaty ákiminiń birinshi orynbasary Erlan Qojaǵapanov COVID-19 jeńýdiń 4 jolyn atady, dep habarlaıdy QazAqparat tilshisi.
«Birinshisi, vırýs adam aǵzasynyń ishinde ólgende, ıaǵnı adam vırýsty jeńip, aıyǵyp shyǵady. Ekinshisi, ókinishke oraı vırýs adammen birge óledi. Úshinshiden, vırýs adam aǵzasynan tys jerde óledi. Keıbir derekterge sáıkes, koronavırýs juqpasy belgili bir ylǵaldylyq deńgeıinde uzaq ómir súre alady eken. Mysaly, esik tutqalarynda, aýladaǵy oryndarda kezdesýi múmkin. Sol úshin turǵyndarǵa úıden shyqpaýǵa keńes beremiz.
Tórtinshiden, osy vırýsqa qarsy vaktsına oılap tabylǵanda vırýsty tolyq jeńetin bolamyz», -dedi ol.
Buǵan deıin ákimniń orynbasaryl Almatydaǵy karantın rejımin túsindirgen bolatyn.
