Almaty ákiminiń orynbasary atyshýly túngi klýbty óz baqylaýyna aldy
ALMATY. QazAqparat - Qoǵamdyq keńestiń otyrysynda Erlan Áýkenov Almatydaǵy atyshýly tanymal SkyBar túngi klýbyna qatysty máseleni ózi sheshetinin aıtty, dep habarlaıdy QazAqparat tilshisi.
Qala jastarynyń súıikti jáne tanymal túngi klýbyna baılanysty turǵyndardan jıi shaǵym túsedi.Qoǵamdyq keńes múshelerine osy máseleni túbegeıli sheshý kerek dep otyr.
« Sky Bar klýbyna qatysty shara qoldanamyz.Baqylaýda ustaımyz. Sol jerge baryp bárin óz kózimizben kóremiz»,- deıdi E.Áýkenov.
Sondaı-aq, qala ákiminiń orynbasary jol-kólik oqıǵalarynyń basym bóligine osy túngi klýbtan shyqqandar kináli ekenin basa aıtty.
« Biz Almaty qalasynyń túngi ómirindegi qaýipsizdikti qamtamasyz etýimiz kerek. Qaıǵyly oqıǵalardyń kópshiligi túngi klýbtar men oıyn-saýyq oryndarynan shyqqannan keıin oryn alady. Muny qoǵam óte aýyr qabyldaıdy. Sondyqtan,eń aldymen barlyq beınebaqylaý kameralaryn biriktirý kerek »,- dedi ol.
Budan bólek, Almaty qalasy ákiminiń orynbasary qoǵamdyq keńeste «Aqyldy» baǵdarsham jáne alıment tóleýden jaltarǵandarǵa qatysty da aıtqan bolatyn
