Almaty ákiminiń orynbasary asa mańyzdy emes azyq-túlikti izdeýdi qoıa turýdy usyndy
ALMATY. QazAqparat – Almaty ákiminiń birinshi orynbasary Erlan Qojaǵapanov onlaın brıfıng barysynda qala turǵyndarynyń kóptegen saýalyna jaýap berdi, dep habarlaıdy QazAqparat tilshisi.
Qala ákiminiń orynbasary qala turǵyndarynyń izdegen zaty jaqyn dúkende bolmaǵan jaǵdaıda ne isteý kerektigin túsindirdi.
«Sýpermarketke barýǵa bolady. Eger óte qajet jaǵdaı bolsa, bekette turǵan adamdar robot emes. Olar da túsinedi, eger qajettiligine kóz jetkizgen jaǵdaıda olar jiberedi. Bul endi tutyný qajettiligine baılanysty. Keıbir adamdar sýsabynnyń keıbir túrleri, et, kofe taǵy basqa azyq-túlikti almaı, 20-21 kún shydap tura tursa da bolady», - dedi ákimniń birinshi orynbasary.
Onyń aıtýynsha, shtab ókilderi halyqaralyq tájirıbeni eskerip otyr.
«Keıbir elderde adamdarǵa tamaqty áskerıler tasıdy. Bir pakette nan, sý, 1 paket shaı bar. Eń basty shart – ınkýbatsııalyq kezeńdi shydap úıde ótkizý», - dedi E.Qojaǵapanov.
Erlan Qojaǵapanov karantın kezinde jeke kólikti paıdalanýǵa tyıym salynǵanyn aıtty.
