Almaty ákiminiń halyqpen kezdesýleri nege emotsınaldy ótedi

ALMATY. QazAqparat- Almaty ákiminiń halyqpen keıbir kezdesýleri emotsıonaldy túrde ótkeni ras. Sebebi, halyqtyń kókeıinde kóp másele jınalyp qalǵan. Bul týraly Almaty ákimi Erbolat Dosaev aıtty, dep habarlaıdy QazAqparat tilishsi.

«Pandemııa saldarynan mundaı kezdesýlerdiń sany azaıyp ketti. Halyqtyń kókeıinde biraz máseleler jınalyp qalǵan. 8 aýdannyń turǵyndary menimen kezdesýlerinde kóp nárseni aıtyp qalýǵa tyrysty. Árıne, keıbir kezdesýler emotsıonaldy túrde ótse de, barlyǵy shynaıy boldy», - dedi Erbolat Dosaev.

Qala ákiminiń aıtýynsha, 18 shildeden bastap úshinshi kvartal aıasynda halyqpen kezdesýdiń ekinshi tsıklyn bastaıdy. Olardyń aldyńǵy kezdesýler sekildi emotsınaldy túrde ótpeıtinine senim bildirdi.

«Almaty – elimizdiń mádenı astanasy. Biz ony is júzinde dáleldegimiz keledi. Halyqpen bolǵan kezdesýde tek Túrksib aýdanynda bir jaǵdaı boldy, al qalǵan kezdesýler tynysh jáne konstrýktıvti túrde ótti. Meniń oıymsha, bizdiń qarym-qatynas mádenıetimiz damyp keledi jáne kelesi kezdesýler jańa haıp úshin nemese turǵyndardyń mádenıeti nashar kúıde kórsetilmeıdi dep senemin», - dedi Almaty ákimi.

Foto: ortcom.kz