Almaty ákimi zııaly qaýym ókilderimen kezdesti

ALMATY. QazAqparat- Almatyda qala ákimi Erbolat Dosaev zııaly qaýym ókilderimen kezdesti, dep habarlaıdy QazAqparat tilshisi.

Kezdesýge barlyǵy 40-tan astam óner, mádenıet jáne ǵylym qaıratkerleri qatysty.
Kezdesý barysynda Erbolat Dosaev adamı kapıtaldyń joǵary sapasyn, onyń ishinde Almatynyń ǵylymı, shyǵarmashylyq jáne mádenı áleýetiniń zor ekenin atap ótti.
Zııaly qaýym ókilderi óner men ádebıettiń damý deńgeıi, shyǵarmashylyq sheberhanalardy uıymdastyrý qajettiligi, dástúrli mýzykany damytý, qala mýzeılerin jańǵyrtý jáne taǵy da basqa ózekti máselelerdi kóterdi.
Qala ákimi zııaly qaýym ókilderine ıdeıalary úshin alǵys aıtyp, atqarylǵan jumystardyń nátıjeleri men utymdy pikirlermen almasý úshin osyndaı kezdesýlerdi turaqty túrde ótkizip otyrýdy usyndy.