Almaty ákimi zırattaǵy qabir sany vırýstan qaıtys bolǵandar sanynan nege kóp ekenin aıtty
ALMATY. QazAqparat – Almaty ákimi Baqytjan Saǵyntaev koronavırýstan qaıtys bolǵan adamdardyń sanynan qazylǵan qabir sany nege kóp ekendigin túsindirdi, dep habarlaıdy QazAqparat tilshisi.
Qala basshysy algorıtm boıynsha qaıtys bolǵan adamdardyń barlyǵyn arnaıy komıssııa koronavırýsqa tekseretinin aıtty.
«Dárigerler komıssııasy sheshim qabyldaıdy. Eger adam koronavırýstan qaıtys bolǵan bolsa, onda máıit arnaıy polıgonǵa jerlenedi. Bizde negizgi dıagnozy koronavırýs bolyp túsken 10 adam qaıtys boldy. Ádette bizde adamdar ártúrli aýrýlardan da qaıtys bolyp jatady. Júrek, qant dıabeti aýrýlarynan qaıtys bolǵandar bar. Olardy máıitinen analız alynǵanda, koronavırýs bar ekeni anyqtalsa, bul máıitter de jańaǵy polıgonǵa jerlenedi. Barlyq máıit tekserilip baryp jerlenedi», - dedi ákim.
