Almaty ákimi: Jappaı vaktsınatsııa sáýirdiń ortasynda bastalady
ALMATY. QazAqparat – Almaty qalasynyń ákimi Baqytjan Saǵyntaev «Almaty» telearnasyndaǵy Akimat Live baǵdarlamasynyń tikeleı efırinde vaktsınatsııaǵa daıyndyq jumystary týraly aıtty, dep habarlaıdy QazAqparat tilshisi.
Qala turǵyndarynyń suraqtaryna jaýap bere otyryp, qala ákimi vaktsınatsııa pýnktteri tek emhanalarda ǵana emes, iri saýda ortalyqtarynda da ashylatynyn aıtty. Mobıldi pýnktterdiń jumysy da uıymdastyrylady.
Baqytjan Saǵyntaev qala turǵyndaryn ujymdyq ımmýnıtettiń qalyptasýyna jáne burynǵy qalypty ómirge oralýǵa múmkindik beretin vaktsınatsııany qoldaýǵa shaqyrdy.
«Ózińizdi KVI-den qorǵaýdyń jalǵyz senimdi tásili – vaktsınatsııa. Sáýir aıynda vaktsınanyń jetkizilýin kútemiz. Turǵyndarynyń sanyn eskere otyryp, 65 myń doza vaktsınanyń belgili bir lımıti kóbeıtiledi. Halyqty jappaı vaktsınalaý sáýirdiń ekinshi jartysyna josparlanyp otyr»,-dedi Baqytjan Saǵyntaev.
Aıta keteıik, vaktsınatsııa QR Densaýlyq saqtaý mınıstrligi bekitken algorıtm boıynsha júzege asyrylady. Úsh kezeń anyqtaldy, oǵan sáıkes birinshi kezekte dárigerler, quqyq qorǵaý organdarynyń qyzmetkerleri, bilim berý jáne qaýipti toptarǵa jatatyn azamattar - sozylmaly aýrýlarmen esepte turǵan adamdar ımmýndaýǵa jatady.
