Almaty ákimi japon medıtsınasynyń ortalyǵyn ashý máselesin talqylady
ALMATY. QazAqparat - Almaty ákimi Baýrjan Baıbek «Medical Excellence Japan» uıymynyń vıtse-prezıdenti Kenıchı Komatsýmen kezdesip, qalamyzda sapaly medıtsınalyq dıagnostıkalyq ortalyq ashý máselesin talqylady, dep habarlaıdy QazAqparat qalalyq ákimdiktiń baspasóz qyzmetine silteme jasaı otyryp.
«Biz Almatyda tek klınıka ǵana emes, obyrdy erte anyqtaıtyn dıagnostıkalyq ortalyq ashqymyz keledi, sonda ǵana ony emdeýdiń tıimdiligi artady, emdelýshi úshin de arzan bolady. Ol ortalyq eń ozyq tehnologııalarmen jabdyqtalady. Qarjy ınvestıtsııasymen qosa tehnologııa transferti de bolady, biz úshin jergilikti mamandardyń biliktiligin arttyrý mańyzdy. Olar Japonııada tájirıbeden ótedi», -dedi «Medical Excellence Japan» vıtse-prezıdenti.
Kezdesýde Baýyrjan Baıbek kúnshyǵys eli Qazaqstannyń basty seriktesteriniń biri ekenin atap ótti.
«Japonııa joǵary tehnologııasymen belgili, kez-kelgen sala boıynsha shyǵarylǵan ónimi sapaly. Almatyda mańyzdy klınıka ashý jalpy medıtsınalyq qyzmet sapasyn arttyrýdyń basty kepili, sonymen qatar ońtústik astanada medıtsınalyq týrızmdi damytýǵa da yqpal eter edi», - dedi Baýyrjan Baıbek.
Kezdesý qorytyndysy boıynsha yntymaqtastyq týraly memorandýmǵa qol qoıyldy jáne atalǵan jobany júzege asyrýdyń naqtyly josparyn jasaýǵa kelisti.
Aıta keterligi, Almaty men Japonııa arasyndaǵy yntymaqtastyq nyǵaıyp keledi. Bılǵy jyldyń birinshi jartyjyldyǵynda taýar aınalymy ótken jyldyń osy kezeńimen salystyrǵanda 84,9%-ǵa ósti, qalada 14 birikken jáne 21 japonııalyq kásiporyn tirkelgen.
