Almaty ákimi úzdik taýar óndirýshilerdi marapattady
ALMATY. 1 tamyz. QazAqparat - Búgin Almatyda qala ákimi Ahmetjan Esimov Balýan Sholaq atyndaǵy sport saraıynda ótip jatqan «Qazaqstannyń úzdik taýary» óńirlik kórme-baıqaýynyń jeńimpazdaryn marapattady.
Onda «Óndiristik maqsattaǵy úzdik taýarlar» atalymynda qurylys salasynda «Asfaltbeton1» JShS, mashınajasaý salasynda «Kelet» AQ, «Halyq tutynatyn úzdik taýarlar» atalymynda medıtsına salasynda «Dosfarm» JShS, «Úzdik azyq-túlik taýarlary» atalymdary boıynsha «Aqsaı» nan-bólke kombınaty, «Obıs kompanııasy» JShS jeńimpaz dep tanyldy. Óńirlik kórme-baıqaýynyń dıplomanttaryna ár atalymda 1-3 dárejeli qala ákiminiń dıplomdary jáne baǵaly syılyqtar tapsyryldy. Endi óńirlik baıqaýdyń jeńimpazdary aǵymdaǵy jyldyń qarasha aıynda Astana qalasynda ótetin «Qazaqstannyń úzdik taýary» respýblıkalyq kórme-baıqaýyna qatysady.
