Almaty ákimi ustazdardy kásibı merekesimen quttyqtady

Saltanatty sharaǵa 40-tan astam bilim berý salasynyń ókilderi qatysty.

Búgingi tańda qalanyń bilim berý júıesine 998, sonyń ishinde 443 memlekettik jáne 555 jeke menshik uıym kiredi. 370 myńnan astam balaǵa 28 myń pedagog bilim berip otyr.

«Táýelsizdiktiń birinshi kúninen bastap bilim berýdi damytý - memlekettik saıasattyń ózgerissiz basymdyǵy bolyp tabylady. Qazaqstan Prezıdenti N.A. Nazarbaev bastamasy boıynsha ótkiziletin reformalardy júzege asyrýda Qazaqstandyq muǵalimderdiń qosqan úlesi ushan teńiz. Bıylǵy jyly Qazaqstan jańa tarıhı kezeńge ótti. Elbasy óziniń «Rýhanı jańǵyrý» baǵdarlamalyq maqalasynda atap ótkendeı, erteńgi kúnniń ereksheligine ult jetistiginiń basty faktory - tek adamnyń básekege qabilettiligi. Ustazdar qaýymy, sizderge, bizdiń balalarymyz ben jastarymyz úshin alda osy qasıetter jıyntyǵyn darytý tur. Ózekti mindetterdi eskere otyryp, bıylǵy jyly biz qala mektepterin zamanaýı fızıka, hımııa, bıologııa, lıngafondy-mýltımedııalyq kabınettermen, ınteraktıvti taqtalarmen 100% jabdyqtadyq. Sońǵy 5 jylda 15 myń oryndy 13 mektep ashyldy. Biz Almatydaǵy eń daryndy muǵalimderdiń jumys isteıtindigimen maqtan tutamyz. Respýblıkalyq olımpıadalarda jáne ǵylymı jarystarda birneshe ret birinshi orynǵa ıe. Sizderdiń oqýshylaryńyz birneshe ret halyqaralyq, respýblıkalyq olımpıadalar men ǵylymı konkýrstarda birinshi oryndarǵa ıe bolyp keledi. Joǵary nátıjelerin UBT-da kórsetedi. Búgingi kúni qalanyń bilim berý júıesin damytýǵa laıyqty úles qosyp kele jatqandaryńyzǵa, sizderdiń qıyn, óte jaýapty jumystaryńyz úshin alǵys aıtqym keledi», - dedi Baýyrjan Baıbek.

Aıta ketý kerek, Almaty túlekteri osymen altynshy jyl qatarynan UBT nátıjesi boıynsha ortasha baly úzdik 97,5 kórsetip otyr. Sońǵy 12 jyl boıy respýblıkalyq olımpıadada birinshi komandalyq oryndy ıelendi. Respýblıkalyq ǵylymı jobalar konkýrstarynda 15-shi ret jeńiske jetti. Prezıdenttik olımpıadadan 11 synyp oqýshylary arasynda tórtinshi jyl qatarynan jeńip keledi.

Sonymen birge, sońǵy bes jyl ishinde qalada 15 myń oryndyq 280-nen astam balabaqsha jáne shamamen 15 myń orynǵa arnalǵan 13 mektep ashyldy. Tek ótken jyly jergilikti bıýdjet qarajaty esebinen 500 oryndyq 4 balabaqsha paıdalanýǵa berildi.

«Shańyraq» jáne «Qalqaman» shaǵyn aýdandarynda mektepterge japsarlas 1 800 oryndyq qurylys nysany salynyp, paıdalanýǵa berildi. Bıylǵy jyly 6 balabaqsha qurylysy bastaldy. Shaǵyn «Ójet» aýdanyndaǵy №156 mektepte 600 oqýshyǵa arnalǵan japsarlas qurylys júrgizilýde. Alataý jáne Naýryzbaı aýdandarynda 2 600 oryndyq mektep qurylysyna qosymsha qarjy bólindi.

Ótken jyly memlekettik-jekeshelik seriktestik aıasynda jeke qarajattar esebinen 175 balabaqsha jáne 5,7 myń oryndyq shaǵyn ortalyqtar ashyldy. Bıylǵy jyly 2 000 oryndyq 57 jeke balabaqsha paıdalanýǵa berildi. Bıznes tarapynan qoldaý shamamen 14 mlrd teńge bıýdjettik qarajatty únemdeýge múmkindik berdi.

Sońǵy 2 jyldyń ınvestorlar esebinen 7 myń oryndyq 54 balabaqsha salýǵa sheshim qabyldandy. 3 myń oryndyq 24 balabaqsha kommýnaldyq menshikke beriledi. Osynyń arqasynda bıýdjettik únemdeý shamamen 24 mlrd. teńge boldy. Memleket basshysynyń tapsyrmasy boıynsha osy jyldan bastap  tegin kásibı-tehnıkalyq bilim jobasy júzege asyrylýda.