Almaty ákimi ushaq apatynan mert bolǵandardyń otbasylaryna bardy

ALMATY. QazAqparat – Almaty qalasynyń ákimi Baqytjan Saǵyntaev ushaq apatynan qaza bolǵandardyń otbasylaryna baryp qaıtty, dep habarlaıdy QazAqparat.

«Búgin keshkisin apatqa ushyraǵan ushaqta mert bolǵan: Kaıyrhan Tumatov, Marat Muratbaev, Nıkolaı Astashov jáne Valerııa Anýfrıevany aqtyq saparǵa shyǵaryp salý rásimine daıyndyq júrip jatyr. Almaty ákimi olardyń otbasylaryna baryp, kóńil aıtyp, qoldaý kórsetýge daıyn ekendigin bildirdi»,-dep jazdy búgin óziniń Instagram paraqshasynda Almaty ákimdiginiń ókili Áset Muqajanov.

Aıta keteıik, 27 jeltoqsanda Almaty-Nur-Sultan baǵytymen ushyp bara jatqan Bek Air kompanııasynyń 2100 reısi kenet apatqa ushyrap, beton qorshaýdy buzyp ótti. Artynan ushaq ekiqabatty ǵımaratpen soqtyǵysyp, 12 adam qaza boldy.

Oqıǵanyń hronologııasymen myna jerden tanysýǵa bolady.

Elaman Turysbekov