Almaty ákimi tártip saqshylaryna qaladaǵy qylmystyq jaǵdaıdy taldaýdy tapsyrdy
ALMATY. QazAqparat – Almaty qalasynyń ákimi Baqytjan Saǵyntaev polıtsııa qyzmetkerlerine qaladaǵy qylmystyq jaǵdaıǵa taldaý júrgizýdi tapsyrdy, dep habarlaıdy QazAqparat.
«Qala turǵyndaryn shahardaǵy qylmystyq jaǵdaı alańdatyp otyr. Almaty qalasynyń Polıtsııa departamentinde bolǵan kezdesýde men ýaqyt boıynsha, aptanyń kúnderi men qylmys jasalǵan oryndar boıynsha qaladaǵy qylmystyq jaǵdaıǵa taldaý júrgizýdi tapsyrdym»,-dep jazdy Baqytjan Saǵyntaev Facebook-tegi paraqshasynda.
Ákim Polıtsııa departamentiniń jaıaý patrýldeý jumystaryn jıiletkenin aıtty. Osyǵan qaraı patrýldeý baǵyttary da ózgerdi, endi tártip saqshylary jaısyz aýdandarda árbir aýlany aralaıtyndyǵyn aıtty.
«Osy rette qala turǵyndaryn ózderiniń turyp jatqan aýdandary men kóshelerinde qylmystyq jaǵdaıdyń qanshalyqty ózgergendigi jóninde aıtyp otyrýdy suraımyn. Bizdiń qalamyzda tártipsizdikke kónbeýshilikti qalyptastyrý kerek. Qoǵam ókilderi keńinen qamtylmaıynsha, bul máseleni tolyqqandy sheshý múmkin emes»,-dedi qala basshysy.
