Almaty ákimi Orys pravoslav shirkeýiniń ókilderimen kezdesti
MATY. 22 qyrkúıek. QazAqparat /Sara Maustafına/ - Búgin Almaty ákimi Ahmetjan Esimov Astana jáne Qazaqstan Mıtropolıti Aleksandrmen, Orys Pravoslav Shirkeýi jáne sheteldegi Orys Pravoslav Shirkeýi delegatsııasymen kezdesti.
Bul eki jaqty kezdesý Qazaqstanǵa erteden kele jatqan Qudaı anasy «Znamenıe» ıkonynyń ákelinýine oraı ótti. Osy qasıetti ıkonnyń qazaq topyraǵyna kelýine qatysty Almatydaǵy Qazaqstannyń Pravoslav Shirkeýinde Qudaıǵa qulshylyq etý rásimi de boldy. Ákimmen kezdesken delegatsııa quramynda Berlın Arhıepıskopy-germandyq jáne Ulybrıtandyq Mark, Protoıreı Aleksandr (AQSh), Borjom jáne Bakýrıan Mıtropolıti Serafım, basqa da qonaqtar boldy.
Astana jáne Qazaqstan Mıtropolıti Aleksandr Qazaqstanǵa, onyń ishinde Almatyǵa asa qasıetti mıssııamen kelgen mártebeli qonaqtardy jyly qabyldaǵany úshin qala basshysyna alǵysyn bildirip, qazaqstandyqtar men almatylyqtardyń Pravoslavııa men kóp ǵasyrlyq ǵumyry bar tarıhı beıne-ıkonǵa tek jaqsylyq úshin qulshylyq etetindikterin jetkizdi. Óıtkeni, bul beıne tek orys Pravoslav shirkeýi ǵana emes, jalpy Ǵalamdyq Pravoslavııa úshin de qasıetti. Astana jáne Qazaqstan Mıtropolıti Aleksandr ǵajaıyp ıkonnyń Qazaqstanǵa alǵash kelýin de atap ótti. Buǵan deıin ıkon Astana men Qaraǵandy qalalarynda bolǵan eken.
«Prezıdentimiz aıtyp ótkendeı, dástúrli Islam men Pravoslavıe - bizdiń elimizdiń tarıhı dini bolyp tabylatyn eki konfessııalar. Bizdiń qoǵamymyz kópultty jáne polıkonfessıonaldy. Beıbitshilik, dostyq, kelisim, baýyrmaldyq qasıetter Qazaqstan halqyna, eline tán. Osy turǵydan alǵanda, Qazaqstan tek kórshiles elderge ǵana emes, ózgelerge de úlgi. Prezıdentimizdiń kemeńger saıasatyn basshylyqqa ala otyryp, siz bizge úlken túsinistikpen qarap, qamqor qolyńyzdy sozyp kelesiz, buǵan aıtarymyz tek qana alǵys», - dep atap ótti Astana jáne Qazaqstan Mıtropolıti Aleksandr.
Ahmetjan Esimov mártebeli qonaqtarǵa Qazaqstannyń din máselesine óte túsinistikpen qaraıtyndyǵyn, qoǵamda dinniń úlken mánge ıe ekendigin aıtty. Táýelsizdik jyldary ishinde respýblıkada úlken ózgerister boldy, sovettik Qazaqstanda dinge senýshiler 5% bolsa, qazirgi kezde senbeıtinder - 5%.
«Memleket basshysy qazaqstandyqtar ómirindegi mańyzdy máselege úlken mán berýde. Qazaqstanda 120-dan astam ult ókili beıbit ómir súrip, ózara syılastyq pen kelisimge bólenýde, halyqtyń 90%-dan astamy eki dindi - Islam men Pravoslavııany ustaǵan. Sondyqtan da biz ózara tyǵyz baılanys ornyqtyryp, kópultty qoǵamymyzdy odan ári damytýǵa yqpal etetin ortaq mindetterdi birigip sheshemiz», - dedi Ahmetjan Esimov.
