Almaty ákimi Ońtústik Qazaqstan men Jambyl oblysyna jumys saparymen barady

Sapardyń maqsaty - negizgi azyq-túlik taǵamdaryna baǵany turaqtandyrý úshin Almaty qalasyna jemis-kókónis ónimderin jetkizý jónindegi memorandýmǵa qol qoıý.

Keshe Almatyda ótken jetinshi shaqyrylymdaǵy qalalyq máslıhattyń XXXVIII sessııasynda 2011-2013 jyldarǵa arnalǵan qala bıýdjetin bekitý týraly másele qaralǵan bolatyn. Onda Almaty qalasy máslıhatynyń depýtattary jemis-kókónis ónimderine baǵany turaqtandyrý úshin «Almaty» ÁKK AQ-ǵa 1 325 000 myń teńge bólý týraly sheshimdi bekitti.

«Almaty» ÁKK óz jumysyn úsh baǵytta júrgizbek. ıAǵnı, kókónis ósirýmen aınalysatyn birlesken kásiporyndar paıda bolady, fıýcherlik kelisim jasalady, ónim birden egis dalasynan satyp alynady. Osy sharalar júzege assa, Almatyda ónim baǵasy turaqtalmaq.

Bul úshin «Almaty» ÁKK qazirdiń ózinde kókónis ótkizetin 7 avtomashınany shyǵardy. Sonymen qatar, taıaý arada Almatyda 30 áleýmettik pavılondar korporatsııasy jumys isteıtin bolady. Bulardaǵy ónim baǵasy qaladaǵy baǵadan 20-30 paıyzǵa tómen bolmaq. Endi kóterme saýdamen aınalysatyndardyń jumysyn «Almaty» ÁKK atqaratyn bolady.