Almaty ákimi Naýryzbaı aýdanynyń sýmen qamtamasyz etý júıesin tekserdi
ALMATY. QazAqparat – Almaty ákimi Baqytjan Saǵyntaev tekserý jumystary barysynda Naýryzbaı aýdanynyń sý jelileri, jol jáne jaryqtandyrý nysandarynyń jaǵdaıymen tanysty, dep habarlaıdy QazAparat.
ÓzinińInstagram paraqshasynda Baqytjan Saǵyntaev Naýryzbaı aýdanynyń ınjenerlik jáne avtotoransporttyq ınfraqurylymyn keń aýqymdy damytý, erekshe nazarda turǵan másele ekenin aıtty.
«Naýryzbaı aýdany ortalyqtandyrylǵan sýmen qamtamasyz etý kórsetkishi búgingi tańda nebári 30% paıyzdy qurap otyr.Endi biz osy kórsetkishti 100% paıyzǵa jetkizý minetin aldyǵa qoıyp otyrmyz. Men sýmen qamtý jáne sý bólý jelileriniń qurylys barysymen tanystym. Tastybulaq shaǵynaýdanynda osy baǵyttaǵy jumystardy jyl sońyna deıin aıaqtaımyz. Kelesi jyly jelilerdi Aqjar, Quramys, Taýjoly, Qarǵaly, Jaılaý, Shuǵyla shaǵynaýdandarynda salamyz. Qarǵalyda sý daıyndaý stantsııasyn salýdy josparlap otyrmyz»,-dep jazdy Baqytjan Saǵyntaev.
