Almaty ákimi muǵalimder kúni qarsańynda bilim berý salasynyń 14 qyzmetkerine páter kiltin tabys etti
MATY. 30 qyrkúıek. QazAqparat /Erlik Erjanuly/ - Almatyda bilim berý salasy qyzmetkerleriniń tamyz máslıhaty kezinde baspanaly bolǵan 12 muǵalimniń qataryna búgin taǵy 14 adam qosyldy. Olarǵa qala ákimi Ahmetjan Esimov páter kiltin Muǵalimder kúnine oraı Abaı atyndaǵy opera jáne balet teatrynda ótkizilgen saltanatty jıynda tabys etti.
Olardyń qatarynda - №161 mekteptiń laboranty Nursáýle Ámirqulova, №102 mekteptiń bastaýysh synyp muǵalimi Eńlik Nurǵalıeva, №147 mekteptiń aǵylshyn pániniń muǵalimi Shárbat Ábdiǵojaeva, №84 mekteptiń qazaq tili men ádebıeti pániniń muǵalimi Botakóz Báıseıitova jáne taǵy basqalar bar.
Bul kúni sondaı-aq, Táýelsizdiktiń 20 jyldyǵyna oraı úzdik 20 muǵalimge arnaıy ázirlengen "Altyn alma" sımvolıkasy men qurmet gramotalaryn aldy. Bilim berý salasynyń birqatar qyzmetkerleri Bilim jáne ǵylym mınıstrliginiń alǵys hatymen marapattalyp, "Bilim salasynyń qurmetti qyzmetkeri" jáne Y. Altynsarın belgilerin ıelendi.
