Almaty ákimi men Chehııa men Slovakııa Mıtropolıti dinı tózimdilik máselelerin talqylady
ALMATY. 11 mamyr. QazAqparat /Berik Bekmurzaev/ - Almaty ákimi Ahmetjan Esimov Cheh jerleri men Slovakııa Blajenneıshıı Mıtropolıti Hrıstoformen kezdesti.
Taraptar kezdesý barysynda dinı tózimdilik máselelerin talqylady, dep habarlady qala ákimdiginiń baspasóz qyzmeti.
«Almaty - Qazaqstannyń eń iri qalasy. Munda adam sany turaqty ósýde. Qala turǵyndarynyń 95%-y ıslam men pravoslavııa dininde. Bul eki negizgi dinniń jastar arasynda júrgizip otyrǵan úlken jumystarynyń mańyzy zor. Sonyń arqasynda senim týdyrmaıtyn túrli dinı aǵymdardyń, sektalardyń aldyna tosqaýyl qoıylyp, dinı tárbıe tek jaqsylyqqa ǵana ýaǵyzdaýda. Qazaqstan Respýblıkasynyń Prezıdenti Nursultan Nazarbaevtyń elimizde júrgizip otyrǵan kemel saıasaty arqasynda bizdiń elimizde 120 ult pen 40 konfessııa ókilderi ózara kelisim men yntymaq aıasynda ómir súrýde», - dedi kezdesý barysynda Almaty ákimi.
Mıtropolıt Hrıstofor óz kezeginde Astana jáne Qazaqstan Mıtropolıtimen, dinı ókildermen kezdeskenin aıtty. Ol sondaı-aq Qazaqstandaǵy pravoslav shirkeýiniń memlekettiń saıasatyn joǵary baǵalaıtyndyǵyn da jetkizdi.
Almaty qalasyna dostyq sapary aıasynda Blajenneıshıı Hrıstofor Svıato-Nıkolskıı Soborynyń bolashaq irgetasynyń alǵashqy tasyn qalady. Cheh jerleri men Slovakııa Mıtropolıti Qazaqstannyń Pravoslav shirkeýine QR Prezıdenti syıǵa bergen jeksenbilik mektepte de boldy.
