Almaty ákimi megapolıstegi epıdemıologııalyq jaǵdaı týraly aıtty

Almaty ákimi keltirgen málimetke sáıkes, qalada koronavırýs indetin juqtyrǵan 16 534 jaǵdaı tirkelgen (100 myń turǵynǵa shaqqanda 828,13), sonyń ishinde 10 004-i sımptomdy, al 6530-y sımptomsyz. Altynshy jeltoqsan kúni 67 KVI juqtyrǵan. Sonyń ishinde 53 jaǵdaı sımptomdy, 14 jaǵdaı sımptomsyz. Pnevmonııamen aýyrǵan 6 jaǵdaı tirkeldi.

«Almaty qalasy 2 jeltoqsannan bastap «jasyl» aımaqqa endi. Jaǵdaı qarasha aıynda koronavırýs ınfektsııasynyń taralýyna yqpal etetin faktorlardy beıtaraptandyrý, qoldanystaǵy karantın sharalaryn saqtaý jáne ony baqylaýdy kúsheıtý arqyly turaqtandyrdyq», - dep atap ótti Almaty ákimi Baqytjan Saǵyntaev.

Almaty qalasynda KVI aýrýynyń ósýi qazan aıynda bastaldy. Eger qyrkúıek aıynda juqtyrýshy sany 165 jaǵdaıdy kórsetse, qazan aıynda qaýipti indetke shaldyqqandar sany 366-ǵa jetti. Qarashada 1 399 jaǵdaı tirkeldi, qazan aıymen salystyrǵanda aýrý juqtyrý 3,8 esege ósken.

Táýliktegi ósim — 0,4%, reprodýktıvti sany — 0,98.

Halyqtyń KVI-ge neǵurlym beıim kontıngenti — 20-dan 60 jasqa deıingi azamattar, olar qarasha aıynda naýqastardyń 60%-yn qurady:

- 14 jasqa deıin — 9% (126 jaǵdaı);

- 15–19 jas — 4% (54);

- 20–39 jas — 32% (451);

- 40–59 jas — 29% (408);

- 60 jastan joǵary — 26% (360).

KVI juqtyrýdyń negizgi ortasy: – aýrý juqtyrýshynyń otbasy múshelerimen baılanysy – 35% (491 jaǵdaı);

– naýqaspen jumys nemese oqý orny boıynsha baılanys – 3% (37 jaǵdaı);

– shet elderden jáne QR óńirlerinen ákelý –6% (78 jaǵdaı).

Infektsııany juqtyrýdyń yqtımal oryndary:

– dúken, dárihana, SOO-ǵa, qoǵamdyq tamaqtaný oryndaryna barý –22% (306 jaǵdaı);– bazarǵa barý – 12% (167 jaǵdaı);

– medıtsınalyq uıymdarǵa barý – 6% (80 jaǵdaı);

– qoǵamdyq kólikti paıdalaný – 16% (228 jaǵdaı);

– otbasylyq is-sharalarǵa qatysý 1% (12 jaǵdaı).