Almaty ákimi megapolıste zańsyz júrip jatqan qurylys jumystaryn toqtatty

ALMATY. QazAqparat - Almaty ákimi Erbolat Dosaev qaladaǵy qurylys jumystaryn toqtatý týraly sheshim qabyldady, dep habarlaıdy QazAqparat tilshisi.

Almaty ákimdigi QR Prezıdenti Qasym-Jomart Toqaevtyń 2019 jylǵy 29 qazandaǵy tapsyrmasyna sáıkes, qaladaǵy jer telimderinde qurylys júrgizýge tyıym bar ekenin habarlady.

«Qoldanystaǵy zańnama men Memleket basshysynyń tapsyrmasyn buzyp jatqan zańsyz áreketter anyqtalyp otyr. Osyǵan baılanysty qala ákimi Erbolat Dosaev barlyq mán-jaı anyqtalǵanǵa deıin belgili nysandarda (19 ýchaske), onyń ishinde Samal-3 yqsham aýdany men Dostyq, 125 ýchaskeleri ornalasqan aýmaqta júrip jatqan jumystardy toqtatý týraly sheshim qabyldady», - delingen habarlamada.

Eske salaıyq, 31 qańtardan bastap Erbolat Dosaev Almaty qalasynyń ákimi qyzmetine taǵaıyndaldy .