Almaty ákimi Máskeýdiń damý tájirıbesine qyzyǵýshylyq bildirdi
ALMATY. QazAqparat– Almaty ákimi Baqytjan Saǵyntaev Máskeý úkimetiniń mınıstri, syrtqy ekonomıkalyq jáne halyqaralyq baılanystar qalalyq departamentiniń basshysy Sergeı Cheremındi qabyldady, dep habarlaıdyQazAqparat.
Kezdesý barysynda Sergeı Cheremın damýdyń qalalyq baǵdarlamalaryn, qoǵamdyq keńistikti ózgertýdiń, densaýlyq saqtaý men bilim salasyndaǵy reformalardy júzege asyrýdyń tájirıbeleri týraly aıtty. Sonymen qatar, qonaq turǵyn úı qoryn, kólik ınfraqurylymyn modernızatsııalaý jáne kommýnaldyq sharýashylyqty tsıfrlandyrý, megapolıstiń tynys-tirshiligin qamtamasyz etý jónindegi aqparatpen bólisti.
Almaty ákimi Baqytjan Saǵyntaev qalany basqarý júıesine jańa tehnologııalar men ınnovatsııany engizýde Máskeýdiń damý tájirıbesi utymdy ekenin atap ótti.
«Bizdiń qalalarda yntymaqtastyqty jáne densaýlyq saqtaýdy, bilimdi, kólik ınfraqurylymyn, TKSh jáne tsıfrlandyrýdy modernızatsııalaý máseleleri boıynsha tájirıbe almasýda jaqsy perspektıvalar bar»,– dedi B. Saǵyntaev.
Almatyda «shetsiz qala» qaǵıdasy boıynsha halyqtyń turatyn jerine qaramastan jaıly ómir súrý jáne áleýmettik qyzmetterdi alý úshin barlyq jaǵdaılar jasalatyn bolady.
