Almaty ákimi lańkesterdiń qolynan zardap shekkenderdiń jaǵdaıyn bilip qaıtty

ALMATY. QazAqparat - Almaty ákimi Baqytjan Saǵyntaev lańkesterdiń qolynan zardap shekkenderge bardy, dep habarlaıdy QazAqparat tilshisi.

Almaty ákimi qalanyń klınıkalyq aýrýhanalarynyń birinde boldy. Onda lańkestik áreketter kezinde zardap shekkender jatyr.

Qala ákimi zardap shekkenderge qyzmettik mindetterin oryndaý kezinde kórsetken batyldyǵy men janqııarlyǵy úshin alǵys aıtty. Barlyǵyna qoldaý sharalary kórsetiletinin jetkizdi.

Sondaı-aq, Baqytjan Saǵyntaev almatylyqtardyń atynan sol kúnderi óz densaýlyǵy men ómirine qaramaı, qala qaýipsizdigin qamtamasyz etkenderdiń barlyǵyna alǵys aıtty.

Aıta keteıik, búginde Almatyda qalpyna keltirý jumystary júrip jatyr jáne qala birtindep qalypty tirshilikke qaıta oralýda.

Buǵan deıin Baqytjan Saǵyntaev terrorıster shabýyldaǵan telearna redaktsııalaryn aralady

jáne qalada kásibi zardap shekken kásipkerlermen de kezdesti.