Almaty ákimi qosymsha bilim berý júıesi týraly aıtty
Bul týraly búgin ótip jatqan «Almaty bilim berý forýmynda» qala ákimi Baqytjan Saǵyntaev aıtty.
Onyń aıtýynsha, balalardy qosymsha bilimmen qamtýdy arttyrý úshin ótken jyldan bastap birneshe jobalarmen jumystar júrgizilýde.
«Atap aıtqanda, jumys istep turǵan mektepten tys uıymdardy jańǵyrtý protsesi bastaldy. Sonyń aıasynda ótken jyly eski ǵımaraty buzylyp, №5 balalar mýzyka mektebiniń jańa zamanaýı ǵımaraty salyndy. Bıylǵy jyly taǵy 3 oqýshylar úıin jóndeý jumystary bastaldy. Qazir jobalyq-smetalyq qujattamasy daıyndaý satysynda tur»- dedi B.Saǵyntaev.
Bıyldan bastap megapolıste ınnovatsııalyq shyǵarmashylyqtyń 2 zamanaýı kópbeıindi ortalyǵynyń qurylys jumystary bastalady. Búginde Alataý jáne Naýryzbaı aýdandarynda jumys istep turǵan oqýshylar saraıyn jańǵyrtý jumystary júrip jatyr.
«Budan basqa, osy saladaǵy jeke sektormen yntymaqtastyqty kúsheıtemiz jáne mektepten tys jekemenshik uıymdarda memlekettik bilim berý tapsyrysyn ornalastyrýǵa jergilikti bıýdjetten qarajat qarastyrdyq. Osy memlekettik tapsyrys aıasynda 5 myń oryn bólinedi. Onyń ishinde mýzykalyq baǵytqa 600 oryn jáne týrıstik-ólketaný, ekologııalyq-bıologııalyq, ǵylymı-tehnologııalyq, kórkemdik jáne basqa da baǵyttarǵa 4 myńnan astam oryn», - dedi shahar basshysy.
Sonymen qatar, qosymsha bilim berýge tek bilim berý salasy ǵana emes, sonymen qatar, bul jumysqa mádenıet jáne sport basqarmasy da belsendi túrde qosylǵanyn aıtý kerek.
Dýman Arǵyngeldi