20:21, 16 Maýsym 2021 | GMT +5
Almaty ákimi: Koronavırýsty 20-39 jas aralyǵyndaǵy jastar jıi juqtyryp, taratady
ALMATY. QazAqparat – Almaty qalasynyń ákimi Baqytjan Saǵyntaev koronavırýs ınfektsııasynyń negizgi taratýshysy - jastar ekenin aıtty, dep habarlaıdy QazAqparat.
Búgin megapolıs ákimi Almaty telearnasyndaǵy Akimat Live baǵdarlamasynda tikeleı efırde turǵyndardyń suraǵyna jaýap berdi.
Baqytjan Saǵyntaevtyń aıtýynsha, indet juqtyrǵandardyń kóbi - 20 men 39 jas aralyǵyndaǵy turǵyndar.
Onyń 48 paıyzy qoǵamdyq orynda juqtyrǵan.
«Berilgen statıstıka 20 men 39 aralyǵyndaǵy jastardyń qalalyq sanıtarlyq normalardy ustanbaıtynyn kórsetip otyr» dep qosty Baqytjan Ábdiruly.