Almaty ákimi: Konstıtýtsııa - ortaq úıimiz - Qazaqstandaǵy tártipti ornatatyn negizgi zań

ALMATY. 30 tamyz. QazAqparat - Búgin biz elimiz ustanyp, damyp kele jatqan negizgi zań - Konstıtýtsııamyzdyń 18 jyldyǵyn atap ótip jatyrmyz, dedi búgin Almatyda merekege arnalǵan velojarystyń máresinde ońtústik astananyń ákimi Ahmetjan Esimov.

«Elimizdiń damýy, bıznestiń alǵa basýy úshin soǵan saı zańdar qajet boldy jáne olar qabyldandy. Árıne, olar jetildirildi, alaıda onyń negizi 1995 jyly 30 tamyzda qabyldandy, sol sebepti osy kúndi búkil el atap ótedi. Bul mereke qazirgi Qazaqstannyń damýyna jol saldy deýge bolady. Konstıtýtsııa - bizdiń ortaq úıimiz - Qazaqstanda ómir súrý tártibin belgileıtin negizgi zań. Eger biz Konstıtýtsııamyz ben bizdiń zańdarymyzdy saqtaıtyn bolsaq, elde tártip, amandyq ornap, damý bolady», - dedi A.Esimov.

Veloshabandozdar Ál-farabı dańǵyly-Táttimbet kóshesiniń buryshynan Ál-Farabı dańǵyly-Naýaı kóshesi-Mustafın kóshesine deıin júrip ótip, Tuńǵysh Prezıdent saıabaǵynda márege jetti.

Osy sharaǵa belsene qatysqan veloshabandozdarǵa estelik syılyqtar tabys etilip, kontserttik baǵdarlama kórsetildi.