Almaty ákimi Qazaqstan halqy birligi kúni men Azıada-2011 oıyndaryn nasıhattaýǵa arnalǵan velojarysqa qatysady
LMATY. Sáýirdiń 24-i. QazAqparat /Danııar Sıqymbaev/ - Almatyda jeksenbi kúni Mamyrdyń 1-i - Qazaqstan halqynyń birligi kúnine jáne 2011 jylǵy VII Azııa oıyndaryn nasıhattaýǵa arnalǵan velojarys ótedi. Oǵan qala ákimi Ahmetjan Esimov te qatysady dep kútilýde.
Sporttyq aktsııaǵa qatysýshylar qalanyń basty kósheleriniń biri - Ál-Farabı dańǵyly boıymen júrip ótedi. Márege jetken velojarys jeńimpazdaryna eskertkish júldeler men syılyqtar tapsyrylady.
Sońǵy jyldary Almatyda velojarys keńinen taralǵan sporttyq aktsııalardyń birine aınaldy. Uıymdastyrýshylardyń pikirinshe, ol salaýatty ómir saltyn nasıhattaý úshin ǵana emes, qalanyń ekologııalyq problemalaryna jurtshylyqtyń nazaryn aýdarýdy da kózdeıdi.
