Almaty ákimi qalalyq metropolıtenniń logotıpine jarııalanǵan baıqaý merzimin uzartty
MATY. 2 tamyz. QazAqparat /Ádilet Musahaev/ - Almaty ákimi qalalyq metropolıtenniń logotıpine jarııalanǵan baıqaý merzimin kelip túsken kóptegen úndeýler men bul jobanyń mańyzdylyǵyn eskere otyryp, tamyzdyń 12-ne deıin uzartty.
Osy ýaqytqa deıin kásibı ujymdar men jeke adamdardan 67 tapsyrys kelip túsken.
Baıqaýdyń birinshi kezeńi tapsyrys qabyldaý bolyp tabylady. Barlyq usynystar logo.metro@gmail.com . adresinde qabyldanady. Sonymen qatar baıqaýǵa materıaldardyń elektrondy nusqasy PowerPoint nemese PDF túrinde tapsyrylady.
Ekinshi kezeńi - qoǵamdyq daýys berý. Baıqaýdyń barlyq talaptaryna jaýap bergen logotıpter Facebook-tegi Almaty mádenı basqarmasynyń betinde jarııalanady. Daýys berý qorytyndysy boıynsha kóp daýys jınaǵan bes logotıp tańdalyp alynyp, kelesi týrǵa ótedi.
Baıqaýdyń úshinshi kezeńi - bekitýge bolady degen logotıptiń balamaly nusqalarynyń tanystyrylymy. Qala qurylysy keńesi men sarapshylar qarap shyǵyp, jańa logotıptiń nusqasyn bekitedi.
