Almaty ákimi qaladaǵy ekpe egetin pýnktilerdiń jumysyn tekserdi

ALMATY. QazAqparat - Almaty qalasynyń ákimi Baqytjan Saǵyntaev birqatar qalalyq emhanaǵa baryp, vaktsınalaýdyń uıymdastyrý jumysymen tanysty, dep habarlaıdy QazAqparat tilshisi.

Shahar basshysy Instagram paraqshasyda №5 aýrýhana jáne № 15, 17, 29 emdeý mekemelerinde ornalasqan ekpe kabınetteriniń jumysymen tanysqanyn jazdy.

Megapolıs ákimi vaktsınalaýǵa birinshi bolyp kelgen almatylyqtarmen áńgimelesti. Ol koronavırýsqa qarsy turýdyń jalǵyz múmkindigi ekpe ekenin eske saldy.

Qalalyqtar vaktsınalaýǵa túsinistikpen qaraýda.

Onyń málimeti boıynsha, vaktsınatsııa pýnktileri 70 emhanada, 31 saýda ortalyǵynda, iri mádenı, bilim jáne sport mekemelerinde ornalastyrylýda.

«Qalada KVI taralýyn boldyrmaý jónindegi jedel shtabtyń otyrysynda jappaı vaktsınatsııalaý naýqanyn uıymdastyrý máseleleri qaraldy.

Barlyǵy 250-ge jýyq pýnkt ashylady. Olardyń jumysyn 2250 maman - dárigerler, meıirbıkeler, tirkeýshiler qamtamasyz etedi.

Sonymen qatar, dáriger rezıdentterdiń ishinen 1200 erikti tartylady. Qosymsha mobıldi jyljymaly pýnktter quryldy»,- dep jazdy ákim.

Sonymen qatar, ol kornavırýsqa qarsy erikti jappaı vaktsınalaýdyń bekitilgen josparyna sáıkes, sýyq tizbekti saqtaý úshin muzdatqyshtarmen jabdyqtaýǵa erekshe nazar aýdarylatynyn atap ótti.