Almaty ákimi qala turǵyndaryn Qurban aıtpen quttyqtady

ALMATY. QazAqparat - Almaty ákimi Baýyrjan Baıbek qala turǵyndaryn qasıetti qurban aıt meıramymen quttyqtady jáne megapolıstiń ortalyq meshitinde namaz oqydy.

Óziniń quttyqtaý sózinde ákim ultaralyq jáne konfessııaaralyq kelisimniń arqasynda Qazaqstan Táýelsizdiktiń 25 jyly ishinde úlken nátıjelerge jetkenin atap ótti.

«Islam - birlikke, dotstyqqa jáne meıirbandyqqa shaqyratyn eń beıbit dinderdiń biri. Qurban aıt kezinde izgi amaldarmen muqtajdarǵa kómektesip, týystardyń hal-jaıyn bilý qajet, bul kún bárińizge qýanysh, densaýlyq jáne ıgilik ákelsin», - dedi B.Baıbek.

Ákim sondaı-aq ata-baba dástúrin saqtaı otyryp, bolashaq urpaqtyń dástúrli emes dinı aǵymdar jeteginde ketip qalmaýy úshin, olardy jas urpaqqa uǵyndyrýdyń mańyzyn atap kórsetti.

Eske sala keteıik, búginde Almatyda 47 meshit jumys isteıdi.