Almaty ákimi Iran provıntsııasynyń gýbernatorymen kezdesti

ALMATY. QazAqparat - Almaty ákimi Baýyrjan Baıbek Iran Islam Respýblıkasynyń Horasan-Rezavı provıntsııasynyń gýbernatory Alıreza Rashıdıanmen kezdesti, dep habarlaıdy QazAqparat tilshisi. Kezdesý barysynda eki jaq saýda-ekonomıkalyq jáne mádenı-gýmanıtarlyq baılanystardy nyǵaıtý máselelerin talqylady.

Əkim Irannyń Taıaý Shyǵys elderiniń arasynda Qazaqstannyń ekinshi saýda áriptesi ekenin atap ótti.

Bıylǵy jyldyń 8 aıynda Almaty men Iran arasyndaǵy taýar aınalymy 17,7 mln AQSh dollaryna jetti. Qalada Irandyq kapıtaldyń qatysýymen 107 kásiporyn bar.

A. Rashıdıannyń aıtýynsha qos tarap qurylys, aýyl sharýashylyǵy, turmystyq hımııa óndirisi, týrızm jáne basqa salalarda yntymaqtastyq quryp keledi.

Iran delegatsııasynyń kezdesýi barysynda Alataý aýdanyndaǵy Ónerkásiptik aımaqtyń áleýeti týraly aıtyldy.