Almaty ákimi ІІD basshylyǵyna esirtki tasymaldaý men saýdasyna qatysty naqty sheshimder qabyldaýdy tapsyrdy
ALMATY. Aqpannyń 18-i. QazAqparat /Názıra Eleýhan/ - Almatyda 18 jastan 29 jasqa deıin 2770 jasóspirim «nashaqor» dıagnozymen tirkeýde tur.
Bul kórsetkish narkologııalyq dıspanserde esepte turǵandardyń jalpy sanynyń 37 paıyzyn quraıdy. Bul týraly qala ákimi Ahmetjan Esimovtyń tóraǵalyǵymen ótken Іshki ister departamentiniń jıyny barysynda aıtyldy, dep habarlaıdy QazAqparat.
Bul málimetterdi estigen qala ákimi ІІD basshylyǵyna halyqaralyq esirtki tasymaldaý jáne esirtki saýdasymen kúresti qatań qadaǵalaý boıynsha naqty sheshimder qabyldaýdy tapsyrdy. Qala ákimi bunymen qatar jol polıtsııa qyzmetkerleriniń jumysyna erekshe toqtaldy. Buǵan deıin qala ákimi jol polıtsııasyna tártip buzýdy kóshede turyp emes, avtosholǵynshy retinde anyqtaýdy tapsyrǵan bolatyn. Bul júıe engizilgennen beri jol-kólik apattary jaǵdaı 5 paıyzǵa, ólim 9 paıyzǵa, jaraqat alý 14 paıyzǵa tómendegen. Bıylǵy jyldan bastap jol kamerasy, jyldamdyq ólsheýshi, jol erejesin buzýshylyqty jazyp alatyn qurylǵylardyń sany kóbeıetin bolady.
Ákim sonymen qatar, ishki ister organdaryna tehnıkalyq qyzmet kórsetý stansylaryn tekserý jumysyn uıymdastyrýdy, sondaı-aq «Jol qaýipsizdigin qamtamasyz etý men jol ınfraqurylymyn damytý» jáne «Qaýipsiz aýla» dep atalatyn jańa qalalyq baǵdarlamany daıyndaýdy tapsyrdy. Al, ýchaskelik ınspektorlarǵa turǵyndarmen jıi kezdesýlerdi ótkizý mindetin júktedi. «Qaýipsiz aýla» baǵdarlamasy boıynsha turǵyn úı kooperatıvteri úılerdi kúzetýdi, jaryqtandyrýdy, turǵyn úıler men aýla aýmaǵyn vıdeobaqylaý júıesimen jabdyqtaýdy uıymdastyrýy qajet.
