Almaty ákimi eýropalyq úlgidegi jaıaý júrginshi jol aımaǵynyń qashan salynatynyn aıtty
ALMATY. QazAqparat - Almatyda Eski alań men Jibek joly kóshesi mańynda jaıaý júrginshi jol aımaǵyn salý 2017 jyldyń kókteminde bastalady, dep habarlaıdy QazAqparat tilshisi.
«Jibek joly kóshesinde jaıaý júrginshi jol aımaǵyn salý kóktemde bastalady. Ol Astana alańynda evropalyq úlgide salynady», - dedi Almaty qalasynyń ákimi Baýyrjan Baıbek Táýelsizdik kúnine arnalǵan saltanatty sharadaǵy baıandamasynda.
Ákim óz sózinde 20 saıabaq jáne 400 aýla qaıta jóndeýden ótip, abattandyrylatynyn aıtty.
Sonyń ishinde, qalaǵa qosylǵan aýdandarǵa erekshe mán berilmek. Qala bıýdjetiniń 60 paıyzy Alataý, Naýryzbaı aýdandaryn damytýǵa baǵyttalǵan.
Shahar basshysy qoǵamdyq kólikti damytýǵa kóńil bólinip otyrǵanyn jetkize kele, eki metro stansasy qurylys jalǵasyp jatqanyn, soltústik aınalymda jol aıyryǵy salynyp jatqanyn, Altyn orda bazary aldyndaǵy joldy keńeıtý júrgiziletinin málim etti.
Baýyrjan Baıbek aldaǵy 2-3 jylda qalany gazdandyrý jumystary aıaqtalatynyn da aıtty.
