Almaty ákimi Eýropalyq Odaqtyń ókilimen kezdesti

ALMATY. QazAqparat - Almaty ákimi Baqytjan Saǵyntaev Eýropalyq Odaqtyń Qazaqstandaǵy ókildiginiń basshysy K. ıAnkaýskasty qabyldady, dep habarlaıdy QazAqparat tilshisi.

Kezdesý barysynda Baqytjan Saǵyntaev Kestýtıs ıAnkaýskaspen saýda-ekonomıkalyq baılanystardy keńeıtý jáne ınvestıtsııa tartý, sondaı-aq adamı kapıtal men qalalyq ortany damytý máselelerin talqylady.

Aıta keteıik, 1999 jyly shildede kúshine engen seriktestik pen yntymaqtastyq týraly kelisim - Qazaqstan Respýblıkasy men Eýropalyq Odaq arasyndaǵy qarym-qatynastyń quqyqtyq negizi bolyp tabylady. Sondaı-aq, 2015 jyly 21 jeltoqsanda keńeıtilgen seriktestik pen yntymaqtastyq týraly kelisimge (KSYK) qol qoıylǵan bolatyn. Bul kelisim QR men EO arasyndaǵy qarym-qatynastyń odan ári jan-jaqty damýyna yqpal etýge arnalǵan. Al 2016 jyldyń 25 naýryzynda QR Prezıdenti KSYK ratıfıkatsııalaý týraly Zańǵa qol qoıǵan.

EO – Qazaqstannyń negizgi saýda jáne ınvestıtsııalyq seriktesteriniń biri. Ótken jyly EO Qazaqstannyń syrtqy saýda aınalymynyń tórtten birinen astamyn (28%) jáne bizdiń respýblıkanyń ekonomıkasyna tartylǵan sheteldik kapıtaldyń jartysynan (47%) qurady.