Almaty ákimi Erbolat Dosaev qalanyń qoǵamdyq keńesiniń múshelerimen kezdesti

ALMATY. QazAqparat - Almaty ákimi qalanyń qoǵamdyq keńes múshelerimen megapolısti damytý máselelerin, sondaı-aq, áleýmettik mańyzy bar problemalardy sheshýdiń tıimdiligin arttyrý maqsatynda aldaǵy ózara is-qımyldy talqylady, dep habarlaıdy QazAqparat tilshisi.

Kezdesýde aýanyń joǵary lastanýy, kólik jolaıryqtary, mektep oryndarynyń tapshylyǵy, aglomeratsııa, jerdi ıgerý, qalanyń bas josparyna túzetýler engizý jáne t.b. taqyryptar kóterildi. Almaty qoǵamdyq keńesiniń músheleri ákimge megapolısti odan ári damytýǵa qatysty óz usynystaryn aıtty.

«Suraqtar kóp, olardyń barlyǵy shynymen de mańyzdy, biraq júıeli ári josparly áreket etý kerek. Ákimdik orta shuǵyl perspektıvada qalany damytýda keshendi tásilge súıenetin bolady», – dedi Erbolat Dosaev.

Kezdesý qorytyndysy boıynsha osyndaı talqylaýlardy turaqty negizde ótkizý týraly sheshim qabyldandy.