Almaty ákimi energetıka júıesiniń strategııalyq obektilerin tekserýdi tapsyrdy
ALMATY. QazAqparat - Almaty ákimi Baqytjan Saǵyntaev qalanyń energetıka júıesiniń barlyq strategııalyq obektilerin tekserýge pármen berdi, dep habarlaıdy QazAqparat tilshisi.
Bul týraly Baqytjan Saǵyntaev áleýmettik jelidegi paraqshasynda jarııalady.
«Búgin Almatynyń energetıkalyq qaýipsizdigi máselesi boıynsha Energetıka mınıstrliginiń, «Samuryq-Energonyń», Energııany membaqylaý men qala qyzmetteri ókilderiniń qatysýymen keńes ótkizdim. «Ermensaı» qosalqy stansa aýmaǵyndaǵy AJK jelisinde apat bolǵandyqtan qurylǵylar isten shyqqan«,- dep jazdy ákim.
Qala basshysy jumysshy tobyna 10 kún ishinde tekserýdiń naqtyly qorytyndysyn usynýdy tapsyrdy. »Sonymen qatar, jylý maýsymyna deıin qalanyń energetıka júıesiniń barlyq strategııalyq obektilerine tekserý júrgizýdi mindettedim«,- dep atap ótti ol.
