Almaty ákimi dáriger ıÝrıı Shýmkovtyń otbasyna kóńil aıtty
«Belgili gastroenterolog ıÝrıı Shýmkovtyń týystary men jaqyndaryna shyn júrekten kóńil aıtamyn. Bul – marqumnyń otbasy men elimizdiń búkil medıtsına qaýymdastyǵy úshin naǵyz qasiret. Biz otbasylyq dástúrdi jalǵastyrǵan jáne ǵumyrynyń 20 jyldan astam ýaqytyn qoǵamǵa qyzmet etýge arnaǵan, adamnyń ómirin qutqarý úshin bar kúshi men bilimin jumsaǵan bilikti dárigerden aıyryldyq. Onyń jarqyn beınesi jadymyzda saqtalady», - dedi Erbolat Dosaev.
Eske salaıyq, 4 sáýir kúni Almatyda dáriger emdelýshi patsıentiniń qolynan qaza tapty. Oǵan ań aýlaıtyn myltyqtan oq atylǵan.
Asa aýyr qylmys qalanyń Bostandyq aýdanynda bolǵan. Kúdikti qalada engizilgen arnaıy jospar barysynda Alataý aýdany aýmaǵynda ustaldy.
Sondaı-aq, QR densaýlyq saqtaý mınıstri Ajar Ǵınııat medıtsına qyzmetkerin qorǵaıtyn zań jobasy ázirlengenin aıtty.