Almaty ákimi bıyl halyqpen 24 kezdesý ótkizedi
ALMATY. QazAqparat- Almaty ákimi Erbolat Dosaev Bostandyq aýdanynyń turǵyndarymen 14 sáýir kúni saǵat 15.00-de kezdesý ótkizedi, dep habarlaıdy QazAqparat tilshisi.
«Memleket basshysynyń «Ákimderdiń halyqpen kezdesýlerin ótkizý týraly» Jarlyǵyna sáıkes 2022 jylǵy 29 naýryzda qala máslıhatynyń sheshimimen Almaty qalasy ákiminiń toqsan ishinde 8 kezdesýi jáne aýdan ákimderiniń turǵyndarmen kezdesýleriniń jyldyq kúntizbesi (aı saıyn 1 kezdesýden) bekitildi. Jyldyq kúntizbe boıynsha jyldyń sońyna deıin barlyǵy kem degende 48 kezdesýge deıin ótkizý qarastyrylǵan (24 – qala ákimi, 24 – aýdan ákimi)», - delingen ákimdik taratqan aqparatta.
Aıta keteıik, 14 sáýir kúni saǵat 15.00-de Almaty ákimi Erbolat Dosaev Bostandyq aýdanynyń turǵyndarymen kezdesedi. Ótetin jeri: Abaı dańǵyly 90, Bas jospardyń ǵımaraty. Sonymen qatar, sáýir aıy ishinde kestege sáıkes aýdan ákimderiniń halyqpen 9 kezdesýi ótedi. Onyń kestesin myna jerden tabýǵa bolady: https://www.gov.kz/memleket/entities/almaty/press/article/details/80560?lang=kk
