Almaty ákimi belgili aqyn Farıza Ońǵarsynovany mereıtoıymen quttyqtady
ALMATY. Qańtardyń 23-i. QazAqparat - Búgin Almatynyń ákimi Ahmetjan Esimov belgili aqyn Farıza Ońǵarsynovamen kezdesti jáne ony 70 jyldyǵymen quttyqtady,
dep habarlaıdy qala ákiminiń baspasóz qyzmeti.
A.Esimov mereıtoı ıesiniń elimiz mádenıeti men ádebıetin damytýǵa qosqan úlesin atap ótti. Qala basshysy F.Ońǵarsynovaǵa uzaq ǵumyr jáne jańa shyǵarmashylyq tabystar tiledi. Aqynnyń Astanaǵa kóshkenge deıin uzaq jyldar boıy Almatyda turǵany belgili.
Farıza Ońǵarsynova - halyq jazýshysy, aqyn, Memlekettik syılyqtyń ıegeri jáne belgili qoǵam qaıratkeri. Kóptegen óleńderdiń, ocherkterdiń, áńgimelerdiń jáne hıkaıattardyń avtory.
