Almaty ákimi baraholka bazary boıyndaǵy retsiz avtoturaqtardy joıýdy tapsyrdy
ALMATY. QazAqparat - Almaty qalasynyń turǵyny qala ákimine «Baraholka» mańyndaǵy retsiz avtoturaqtar saldarynan kólik keptelisi kóp bolatynyn aıtyp, shaǵymdandy, dep habarlaıdy QazAqparat tilshisi.
«Soltústik aınalma joldyń boıynda Jumabaev kóshesinen Kókmaısa yqshamaýdanyna deıin tórt bazar ornalasqan: «Kenjehan», «Qazyna», «Arlan» jáne «Alash». Byltyr bul tasjolǵa jóndeý jumystary júrgizilip, bordıýrler ornatyldy. Biraq qazir júrgizýshiler birinshi jolaqtan turaq jasap alǵan: 200 teńge únemdeıdi, bazardyń turaǵyna kirmeıdi. Osyǵan baılanysty bul kóshede únemi keptelister bolady», - dedi aýdan turǵyny.
Qalalyq mobıldilik basqarmasynyń basshysy Saǵyndyk Telibaev tyıym salý belgilerine qaramastan, taksı júrgizýshileri birinshi jolaqqa toqtap, jol erejesin buzyp jatqanyn aıtty.
Erbolat Dosaev tsıfrlandyrý basqarmasynyń basshysyna «Sergek» kameralaryn ornatýdy tapsyrdy.
«Atalǵan aýmaqqa bir «Sergek» kamera keshenin ornatý kerek. Taksı júrgizýshileri ol jerde avtoturaq jasap alsa, endi azdaǵan aıyppul tólesin. Aqsha bar dep oılaımyn, aldaǵy eki aıda kameralar ornatamyz»,- dedi qala ákimi.
Sondaı-aq ol qalalyq Polıtsııa departamentiniń basshysyna tártip buzýshylarǵa shara qoldanýdy jáne atalǵan aýmaqtarda patrýldeý jumystaryn júrgizýdi tapsyrdy.
«Erteńnen bastap belgilengen aýmaqta tańerteń jáne keshke ýaqytta patrýl kóligin qoısyń. «Sergek» kameralaryn ornatqansha»,- deıdi Erbolat Dosaev.
