Almaty ákimi balshyq kóshelerge qatysty shaǵymǵa jaýap berdi
ALMATY. QazAqparat- Almaty ákimi halyqqa esep berý kezdesýinde balshyq kóshelerge shaǵymdanǵan turǵyndarǵa jaýap berdi, dep habarlaıdy QazAqparat tilshisi.
Buǵan deıin, almatylyqtar balshyqqa batyp jatqan shaǵynaýdandardyń vıdeosyn áleýmettik jelige júktep taratqan bolatyn. Turǵyndardyń aıtýynsha, jedel járdem men basqa da kólikter balshyqqa batyp, shyǵa almaıdy.
Esep berý jıynynda qala ákimi Baqytjan Saǵyntaev Alataý men Naýryzbaı aýdandaryndaǵy jaǵdaıǵa túsinik berdi.
«Biz byltyr jyl sońynda sý qubyry men sý tartý jumystaryn aıaqtadyq, al qys mezgilinde asfalt tóseı almaımyz. Bıyl qys, aqpan óte jyly. Desekte, beton shyǵaratyn zaýyttar áli jumys istemeıdi, sondyqtan jódeý jqmystaryn bastaı almaımyz. Naýryzdyń ortasynda asfalttaý bastalady.Aqsha bar, merdigerler jumysyn kútip otyr. Biraq olar da materıalsyz bastaı almaıdy. Asfalt bolmasa, nemen jasaıdy? Jaǵdaıǵa túsinistikpen qaraýlaryńyzdy ótinemin. Naýryzbaı aýdanynda da solaı.Osy maýsymnan ótý úshin qıyrshyq tas tógip jatyrmyz», - dep jaýap berdi ákim.
Aıta keteıik, Almatyda jedel járdem kóligi balshyqqa batyp qalǵan bolatyn.
