Almaty ákimi Baqytjan Saǵyntaev áleýmettik jelilerde akkaýnt ashty

ALMATY. QazAqparat - Almaty ákimi Baqytjan Saǵyntaev Instagram, Facebook jáne Twitter áleýmettik jelilerinde tirkeldi, dep habarlaıdy «QazAqparat»  tilshisi qala basshysynyń baspasóz qyzmetine silteme jasap.

Qala turǵyndaryna joldaǵan beınejazbasynda Baqytjan Saǵyntaev Almaty ákimi retinde  qala turǵyndaryna óz jaýapkershiligin sezinetinin atap ótti.

«Almaty - árbir qazaqstandyq úshin erekshe qala jáne biz ony jaqsy kóremiz. Meniń basty maqsatym -Almatyny qaýipsiz, yńǵaıly, zamanaýı megapolıs jasaý. Onda árbir Almaty turǵyny laıyqty ómir súrýge múmkindik alady. Men úshin sizderdiń saýaldaryńyz ben usynystaryńyzǵa ýaqtyly jaýap berý óte mańyzdy. Men ózderińizben qalanyń problemalaryn jáne onyń damý strategııasyn ashyq talqylaǵym keledi. Mıllıondaǵan qala turǵyndarynyń taǵdyryna baılanysty usynystardy qabyldaýda jáne durys sheshim shyǵarýda sizderdiń qoldaýlaryńyz mańyzdy. Sizdermen  dıalogqa daıynmyn! », -deıdi megapolıs basshysy.

https://facebook.com/sagintayev.b/videos/373862916599907

https://facebook.com/sagintayev.b/videos/201732787425617

https://twitter.com/sagintayev_b/status/1145524862175367168

https://twitter.com/sagintayev_b/status/1145525409729175552

https://instagram.com/p/BzW74rnByBy

https://instagram.com/p/BzW7mfyhVUJ

Eske sala ketsek, 28 maýsymda Memleket basshysynyń Jarlyǵymen Baqytjan Saǵyntaev Almaty ákimi bolyp taǵaıyndalǵan bolatyn.