Almaty ákimi «Baqytty otbasy» ortalyǵyn barlyq aýdanda ashýdy tapsyrdy
ALMATY. QazAqparat - Almatyda turmysy tómen jáne kópbalaly otbasylarǵa qoldaý kórsetý úshin jańa jumys oryndary ashylady, dep habarlaıdy QazAqparat tilshisi Baqytjan Saǵyntaevtyń Instagram paraqshasyna silteme jasap.
«Kópbalaly analardyń «Baqytty otbasy» ortalyǵynyń jumysymen tanystym. Az qamtylǵan jáne kópbalaly otbasylardyń máseleleri boıynsha jaqsy aqyldasý alańy eken. Mundaı ortalyqtardyń áleýetteri úlken. Sondyqtan aýdan ákimderine jyl aıaǵyna deıin osyndaı balamaly ortalyqtar ashýdy tapsyrdym. Budan ózge, E. Áýkenovke «Іsker ana» baǵdarlamasyn ázirleý jáne bir aı ishinde ony iske qosý boıynsha tapsyrma berdim. Bul baǵdarlama qajetti zattarǵa qatysty kórsetiletin sharalardy naqtylaıdy. Olar: jabdyqtar men qyzmet kórsetý, jańa isti meńgerýge, osy otbasylardy asyrýdyń kózi bolyp tabylatyn mamandyqty ıgerýge beıimdeý»,- deıdi Almaty qalasynyń ákimi Baqytjan Saǵyntaev.
Az qamtylǵan jáne kópbalaly otbasylarǵa qoldaý kórsetý úshin jańa jumys oryndaryn ashý qajet. Bul mindetti qala basshysy aýdan ákimderi men basqarmalarǵa júktedi. Sondaı-aq aýdan ákimdikteri kópbalaly analarmen tikeleı dıalogta bolýlary tıis ekenin tilge tıek etti.
